ଆଜି ହେଉଛି ଗଣେଶ ଚତୁର୍ଥୀ । ଆଜି ଦିନରେ ହିଁ ସମସ୍ତ ପ୍ରକାର ପୂଜାପାଠର ଶୁଭାରମ୍ଭ କରା ଯାଇଥାଏ । ଇଣ୍ଡୋ – କଳିଙ୍ଗ ଟାଇମ୍ସ ମଧ୍ୟ ଆଜି ଦିନରେ ହିଁ ନୂଆ ଯାତ୍ରାର ଶ୍ରୀଗଣେଶ କରୁଛି । ପାଠକ ମାନଙ୍କୁ ହାର୍ଦିକ ଶୁଭକାମନା ଓ ଅଭିନନ୍ଦନ । ରାଜ୍ୟର ସମସ୍ତ ବ୍ଲକ ଯାଏ ପହଂଚିବା ଇଣ୍ଡୋ-କଳିଙ୍ଗ ଟାଇମ୍ସର ଲକ୍ଷ୍ୟ । ଏକ ସୁସ୍ଥ ସାମ୍ବାଦିକତା କ୍ଷେତ୍ରରେ ଏକ ଉଦାହରଣ ପ୍ରସ୍ତୁତ କରି ସୁସ୍ଧ ସମାଜ, ରାଜ୍ୟ ଓ ଦେଶ ଗଠନ କରିବା ଆମର ଲକ୍ଷ୍ୟ । ସୁସ୍ଥ ବ୍ୟକ୍ତିତ୍ୱ ଜରିଆରେ ସୁସ୍ଥ ସମାଜର ଆଧାରଶୀଳା ରଖା ଯାଇଥାଏ ଓ ଏହା ପରେ ସୁସ୍ଥ ସମାଜ ଓ ରାଷ୍ଟ୍ର ଗଠନ ଆପେ ଆପେ ହୋଇଥାଏ ।
ଏହି ଦିଗ ଓ ଲକ୍ଷ୍ୟକୁ ନେଇ ଇଣ୍ଡୋ କଳିଙ୍ଗ ଟାଇମ୍ସ ନିଜର ଯାତ୍ରାରେ ବାହାରିଛି । ସବୁବେଳେ କୁହାଯାଏ ଯେ ସାମ୍ବାଦିକତା ନିଜର ଲକ୍ଷ୍ୟରୁ ବିଚ୍ୟୁତ ହେଉଛି । ପ୍ରତ୍ୟେକ ସେକେଣ୍ଡର ଖବରକୁ ଆପଣଙ୍କ ପାଖକୁ ଶୀଘ୍ର ପହଂଚାଇବା ପାଇଁ ଇଣ୍ଡୋ କଳିଙ୍ଗ ଟାଇମ୍ସ ପ୍ରୟାସ କରିବ । ଖୁବ ଶୀଘ୍ର ଇଣ୍ଡୋ କଳିଙ୍ଗ ଟାଇମ୍ସର ୟୁ ଟ୍ୟୁବ ଚାନେଲ ଆରମ୍ଭ ହେବାକୁ ଯାଉଛି । ଆମର ଏହି ପ୍ରୟାସ ସଫଳ ହେବ ବୋଲି ଆମର ଶୁଭଚିନ୍ତକ ମାନେ ବିଶ୍ୱାସ ବ୍ୟକ୍ତ କରୁଛନ୍ତି । ଇଣ୍ଡୋ କଳିଙ୍ଗ ଟାଇମ୍ସ ଆପଣଙ୍କର ସମସ୍ତ ଆଶା ଓ ବିଶ୍ୱାସକୁ ଜିତି ପାରିବ ଏପରି ପ୍ରୟାସ କରିବ । ପୁଣି ଥରେ ଆପଣ ସମସ୍ତଙ୍କୁ ଗଣେଶ ଚତୁର୍ଥୀର ହାର୍ଦିକ ଶୁଭକାମନା, ଅଭିନନ୍ଦନ ।
ହେମନ୍ତ କୁମାର ତିୱାରୀ, ପରିଚାଳନା ସମ୍ପାଦକ
